| |
Upplestur í ljósaskiptunum
Haust- og vetrardagarnir á Norðurlöndunum eru afskaplega stuttir. Hér áður
fyrr, fyrir tíma sjónvarpsins og tölvunnar, var upplestur og sagnalestur á
myrkum vetrarkvöldum vinsæl og útbreidd hefð.
Þann 8. nóvember 2010 hefst Norræna bókasafnsvikan í fjórtánda skipti með
það fyrir augum að gæða norrænu sagnahefðina nýju lífi. Það er vika hlaðin
upplestrum, sýningum, rökræðum og alls kyns menningaratburðum á
bókasöfnum, skólum og öðrum samkomustöðum á öllum Norðurlöndunum og
Eystrasaltsríkjunum.
Stærsta upplestrarhátíð veraldar?
Hugsanlega verður sett nýtt heimsmet í upplestri þegar mörgþúsund manns
hlýða samtímis á upplestur á eigin tungumáli út frá þemanu ,,Töfraheimar
Norðursins" á ríflega 2000 stöðum víðsvegar á Norðurlöndum.
Þegar rekkja tekur er mögulegt að bókasafnið þitt bjóði upp á vel fluttan
upplestur upp úr Eddunni eða úr hinni hrollvekjandi sögu ,,Låt den rätte
komma in" eftir sænska rithöfundinn John Ajvide Lindqvist.
Snemma um morguninn hlusta norræn leik- og grunnskólabörn á upplestur úr
bókunum ,,Dóttir ávítarans" eftir dönsku skáldkonuna Lene Kaaberbøl og
,,Sagan af bláa hnettinum eftir Andra Snæ Magnason.
Ókeypis þátttaka
Bókasöfn, skólar og félagasamtök geta skráð sig frítt hér á heimasíðunni
og fá þá send veggspjöld og póstkort. Einnig er hægt að sækja
upplestrartexta ársins á síðunni auk hugmyndaskrár með ábendingum um
dagskrá.
Velkomin í gamaldags huggulega sögustund í sönnum norrænum anda ,,Í
ljósaskiptunum"!
.
|
|
